јога хуманистички науки - 30 часа
Програмата се состои од 3 дела :
- Прв дел - Историја на јогата
- Втор дел - Јога филозофија
- Трет дел - Етика
Прв дел - Историја на јогата
Се фокусира на историјата и потеклото на јогата, од првиот јоги (Адијоги) преку најстарите списи, Ведите и Упанишадите каде јогата првпат се споменува, преку нејзиниот развој низ неколку различни историски епохи до најмодерните јога стилови што постојат денес, вклучувајќи го и раѓањето на лозата на нашиот стил Винјаса Флоу Јогата.
Втор дел - Јога филозофија
Се фокусира на филозофските основи на јогата и на методите и видовите на јога и нивните етички аспекти.
Трет дел - Етика
Ги сумира јамите и нијамите, важноста на нивната примена за време на часовите по јога и што се подразбира под етичко јога опкружување за време на часот.
Наставни цели
До крајот на оваа обука, ќе имате јасна слика и разбирање за :
- Како јогата била дефинирана низ историјата повикувајќи се на релевантните древни текстови
- Ќе развиете свест дека јогата е древна наука и филозофија во која асаната е само еден дел
- Ќе можете да ги опишете клучните епохи на историјата на јогата и примарните придонеси на секоја од нив (потеклото, развојот и историјата на јогата од цивилизацијата во долината Инд сè до модерната јога)
- Ќе имате увид во 6-те ортодоксни школи на индиската филозофија
- Ќе имате јасна слика и ќе можете да дефинирате клучни поими како Карма, Дарма и други
- Ќе можете да ги опишете клучните принципи на Ајурведата и да ја одредите сопствената доша
- Ќе се запознаете со клучните филозофски идеи во Јога Сутрите на Патанџали, елементите на практиката и осумте гранки на Аштанга јогата со акцент на нивната релевантност и влијание врз модерните јога стилови
- Ќе се оспособите да го користат филозофското знаење за креирање на креативни тематски јога часови
- ќе се запознаете со клучните филозофски идеи на Багавад Гита и нејзината важност во современото општество.
- Ќе можете да ги дефинирате различните патишта на јогата - Карма Јога, Бакти Јога, Џнана Јога, Раџа Јога, Тантра Јога, Крија Јога и др. (разни форми на јога преку кои се постигнува универзална свест, или единство со Врховното Битие)